"Reformalar belӓn Törkiyӓneň yözen tulısınça üzgӓrttek"

Törkiyӓ ilbaşı, “Ğadӓlӓt hӓm qalqınu” partiyӓse ğomum başlığı Rӓcӓp Tayyip Ӓrdoğan partiyӓseneň kiňӓytelgӓn cıyılışında yasağan çığışında reformalar belӓn Törkiyӓneň yözen tulısınça üzgӓrtülӓren belderde.

Ӓrdoğan: “Soňğı 2-3 yılda başqarılğan reformalar üze ber dastan. İlbaşı idarӓse xökümӓt sistemasın da ilgӓ bez kiterdek. Törkiyӓ idarӓ itü rӓweşendӓ tamırdan üzgӓreş kiçerde”,-dide.  

Ul Törkiyӓdӓ ciňel aňlaşıla torğan,açıq, demokratik , kilӓse ğasırda ilebezgӓ yul kürsӓtӓçӓk Töp Qanun ӓzerlӓnӓçӓgen citkerde.

İlbaşı Ӓrdoğan sişӓmbe könne Keşe xoquqları buyınça ğamӓl planın cӓmӓğӓt’çelek belӓn urtaqlaşuların xӓterlӓtte, kilӓse atnada iq’tisadi reforma paketın iğ’lan itӓçӓklӓren ӓytep uzdı.

Törkiyӓneň iq’tisadi üseş kürsӓtkeçeneň 1,8% buluın , global’ sӓlamӓtlek saqlaw krizisı küzӓtelgӓn dӓwerdӓ Törkiyӓneň üseşkӓ ireşkӓn  sirӓk illӓr arasında urın aluın assızıqladı.