AQŞ süzçese törek xärbilären iskä aldı

Amerika Quşma Ştatları däwlät departamentı süzçese Ned Prays uzğan yılda Süriyäneñ İdlib qalasında Bäşşar Äsäd rejimınıñ hawa höcümendä şähit bulğan 33 törek ğaskäriyen iskä aldı.

Prays “Twitter” akkauntınnan yasağan açıqlawında: "Ber yıl êlek 33 törek ğaskäriye İdlibtäge gäyepsez süriyäle tınıç xalıqnı Äsäd rejimı belän Rusiyä häm İranlı yaqlawçılarınıñ yawızlığınnan saqlağan çaqta häläq buldı. Alarnıñ xatiräsen häm fidaqärleklären iskä alğan çaqta, NATO berlektäşebez Törkiyäneñ yanında bez”, - dip äytte.

Süriyäneñ İdlib töbägendä 2020nçe yılnıñ 27nçe fevral’ könne rejim êlementlarınıñ hawa höcüme näticäsendä 33 törek ğaskäriye şähit bulğan ide.