Keşe xoquqları buyınça çaralar planın irtӓgӓ ilbaşı Ӓrdoğan iğ’lan itӓçӓk

 Törkiyӓ ğadӓlӓt ministrlığı ӓzerlӓgӓn “Keşe xoquqları buyınça çaralar planı”n irtӓgӓ ilbaşı Rӓcӓp Tayyip Ӓrdoğan iğ’lan itӓçӓk.

Plannıň töp maqsatı – yaňa hӓm grajdanlıq Töp Qanunı ӓzerlӓw.

Beştepe millӓt kongress hӓm mӓdӓniyӓt üzӓgendӓ uzaçaq programmağa sӓyӓsi partiyӓlӓrneň ğomum başlıqları da çaqırıldı.

Anda şulay uq Törkiyӓ Böyek Millӓt Mӓclese başlığı Mostafa Şӓntop, yuğarı xökem çığaru organnarı başlıqları, ilbaşı idarӓse kabinetı ӓğ’zaları, möselman bulmağan cӓmğıyӓt’ wӓkillӓre, tulı wӓqalӓtle ilçelӓr, Berlӓşkӓn Millӓtlӓr Oyışması, Awrupa Berlege , Awrupa Şurası , Awrupa Keşe xoquqları mӓxkӓmӓse wӓkillӓre, ictimaği oyışmalar başlıqları, rektorlar, dekannar, uqıtuçı-ğalimnӓr , yuristlar hӓm jurnalistlar da qatnaşaçaq.

Keşe xoquqları buyınça çaralar planı Törkiyӓneň töp sӓyӓsi dokumentı bulaçaq.

Plan qanunnar hӓm administrativ êşçӓnlekne xoquqıy farazlaw, açıqlıq hӓm cawaplılıq nigezendӓ qarayaçaq.

Milek xoquqına, birelgӓn xoquqlarğa, cinayӓt’ hӓm cӓzanıň şӓxsilegenӓ, ğayepsezlekkӓ köçle basım yasalğan plan belӓn bu ölkӓlӓrgӓ törle üzgӓreşlӓr kertü maqsat itep quyıla.