Ärdoğan Ğosmanlı soltanı onığınıñ qayğısın urtaqlaştı

Ğosmanlı soltanı Abdelxämid İkençeneñ dürtençe buın onığı şähzadä Abdelkärim Dündar Osmanoğlu Süriyäneñ başqalası Dimäşqta wafat buldı. Törkiyä ilbaşı Räcäp Tayyip Ärdoğan telefonnan şaltıratıp anıñ qardäşe Xarun Osmanoğlunıñ qayğısın urtaqlaştı. Ğosmanlı dinastiyäse wäkile isä Ärdoğanğa räxmäten citkerde häm anıñ öçen daimi räweştä doğa uquın äytte.

Söyläşüdä Törkiyä radio häm televideniye kompaniyäseneñ TRT1 kanalında çıqqan “Paytäxet Abdelxämid” serialı xaqında da süz buldı. Xarun Osmanoğlu anı qarağan.

İlbaşı Ärdoğan Xarun Osmanoğlunıñ xatını Farizät häm qızı Nurxan belän dä söyläśte. Alar Törkiyä ilbaşın tuğan köne belän qotladı.