Zelenskiy Ärdoğannı tuğan köne belän qotladı

Ukraina däwlät başlığı Vladimir Zelenskiy Törkiyä ilbaşı Räcäp Tayyip Ärdoğannı tuğan köne belän qotladı.

Zelenskiy Twitterda törekçä yazğan qotlawında Törkiyäneñ Ukrainanıñ möstäqıyl’lege häm cir bötenlegen xuplawın täqdir itüen belderde.

Törkiyägä säfären qanäğat’lek belän iskä aluın häm ike il mönäsäbätlären tiränäytü öçen Yuğarı däräcäle strategik şuranıñ 9nçı cıyılışın kötüen citkergän Zelenskiy: “Yaqın dustım häm berlektäşem Törkiyä ilbaşı Räcäp Tayyip Ärdoğannıñ tuğan köne qotlı bulsın!” – dip yazdı.