Änkarada Franśiya watandaşı xatın-qız terrorçı totqarlandı
“DEAŞ” terror oyışması äğ’zase buluı säbäbe belän Xalıqara poliśiya oyışması (Interpol) tarafınnan qızıl byulleten belän êzlängän Franśiya watandaşı xatın-qız Törkiyä başqalası Änkarada poliśiya törkemnäre tarafınnan qulğa alındı
1589130
Änkara iminlek mödirlegeneñ terrorçılıq belän köräş häm küzläw bülekçäse törkemnäre ilennän kitep “DEAŞ”qa quşılğan häm Interpol tarafınnan qızıl byulleten belän êzlängän franśuz Sarah Talibneñ Änkarada buluın bilgeläp aldı.
Ütkärelgän küzätü näticäsendä Talibneñ ilenä qaytu öçen Franśiya ilçelegenä barırğa tırışuı bilgelände. Poliśiya Sarah Talibne ilçelekkä 200 metr yıraqlıqta totqarlap qulğa aldı.
Terrorçılıq belän köräş bülekçäsenä alıp barılğan Talibneñ soraw alu êşlärennän soñ deportaśiyälänäçäk.
