AQŞnıň Ӓnkaradağı ilçese tışqı êşlӓr ministrlığına çaqırıldı
Aňa AQŞnıň Gara belderüenӓ Törkiyӓneň reakśiyӓse citkerelde
Amerika Quşma Ştatlarınıň Ӓnkaradağı tulı wӓqalӓtle ilçese Dêvid Satterfild Törkiyӓ tışqı êşlӓr ministrlığına çaqırıldı hӓm aňa AQŞnıň Gara belderüenӓ Törkiyӓneň reakśiyӓse citkerelde.
Tışqı êşlӓr ministrlığınıň bu xaqtağı belderüendӓ “AQŞnıň Ӓnkaradağı ilçese bügen ministrlıqqa çaqırıldı hӓm AQŞnıň açıqlawna qarata reakśiyӓbez citkerelde” diyelde.
AQŞ dӓwlӓt departamentınıň Ğıyraqnıň Gara töbӓgendӓ 13 Törkiyӓ watandaşınıň “PKK” separatist terror oyışması tarafınnan şӓhit itelüe uňayınnan yasağan belderüendӓ “Törkiyӓ watandaşlarınıň “PKK” terror oyışması qulında ülüe xӓbӓre döres bulsa bu ğamӓlne kisken rӓweştӓ ğayeplibez” digӓn yullar urın alğan ide.
Bäyläneşle xäbärlär
Fidan - Abdullahiyan söyläşüe
Törkiyä tışqı êşlär ministrı İran wazıyfadaşı belän telefon aşa êlemtägä kerde