3 diñgezçe Törkiyädä

Alar Gvineya qultığında “Moŝart” isemle köymägä oyıştırılğan basıp aluda qotıldı.

Köymäneñ 4nçe kapitanı Furkan Yaren häm baş injener İlxan Süha Tatlıgül belän basıp aluda yaralanğan Baxadır Yeşilalan Librevil’ – İstanbul reysı belän İstanbul aêroportına kilde.

Hawa mäydanında jurnalistlarğa açıqlaw yasağan Furkan Yaren waqıyğada yaralanuın äytep, alarğa härwaqıt şaltıratıp torğan Törkiyä ilbaşı Räcäp Tayyip Ärdoğan, Tışqı êşlär ministrı Mäwlüt Çavuşoğlu häm Transport ministrı Adil Karaismailoğluğa räxmätlären belderde.

“Törkiyägä qaytqanım öçen şatlanam. Qalğan iptäşlärebez dä ozaqlamıy ğailälärenä qawışır inşalla,” – dide ul.

İngliz şirkätenä bäyle “Moŝart” köymäse 23 ğıynwarda Nigeriya su kiñlegendäge Gvineya qultığında diñgez yulbasarları höcümenä duçar qalğan ide.