Törkiyä belän Greśiyä 5 yıldan soñ qabat ber östäl artında

Törkiyä belän Greśiyä 5 yıldan soñ qabat ber östäl artına utıra.

Bügen İstanbulda söyläşülärneñ 61nçe turı uzaçaq. Anda Êgey häm Urta diñgezlärdäge problemalar telgä alınaçaq.

Törkiyä tışqı êşlär ministrı Mäwlet Çavuşoğlu 11nçe ğıynvarda Greśiyäne söyläşülärgä äzerlek fiker alışularına çaqırdı. Şulay itep, ul Törkiyäneñ dialog, xezmättäşlek häm çişeleş yaqlı buluın tağın ber qat kürsätte.

Çavuşoğlunıñ delegaśiyälärneñ oçraşu waqıtın bilgeläw xaqındağı täq’dimenä tiz arada cawap kilde. İke ilneñ tışqı êşlär ministrlıqları arasında uzğan fiker alışudan soñ söyläşülär 25nçe ğıynvarğa bilgelände. Greśiyä xökümäte räise Kir’yakos Miśotakis älege çarada yaxşı niyät häm üz-üzlärenä ışanıç belän qatnaşaçaqların belderde.