"Xӓrbi, iq’tisadi hӓm diplomatik cӓhӓttӓn köçle bulu bezneň öçen mӓcbürilek”
İlbaşı bu xaqta “İstanbul” fregatın diňgezgӓ cibӓrü tantanasında yasağan çığışında citkerde
Törkiyӓ ilbaşı Rӓcӓp Tayyip Ӓrdoğan “İstanbul” fregatın diňgezgӓ cibӓrü tantanasında qatnaşıp çığış yasadı.
Ӓrdoğan saqlanu tarmağında köçle, bӓysez hӓm texnologik yaqtan citӓrlek dӓrӓcӓdӓ bulmağan illӓrneň kilӓçӓklӓrenӓ ışanıç belӓn qarawları mömkin bulmawın belderde.
Ӓrdoğan: “Törkiyӓ milli qurqınıçsızlığın garantiyӓlӓw hӓm duslarınıň xoquqların yaqlaw öçen iň yuğarı qurqınıçsızlıq dӓrӓcӓsen saqlarğa tiyeş. Xӓrbi, iq’tisadi hӓm diplomatik cӓhӓttӓn köçle bulu bezneň öçen saylaw mömkinlege tügel, mӓcbürilek”,-dide.
Ӓrdoğan: “Saqlanu sӓnӓğӓtendӓ 2002 nçe yılda barı tik 62 proyekt başqarılğan bulsa , bügen bu san 700 gӓ citte.Törkiyӓ dus hӓm berlektӓş illӓrneň ixtıyacların qanӓğӓt’lӓnderӓ torğan ilgӓ ӓylӓnde hӓm üz xӓrbi köymӓlӓren proyektlıy,tözi torğan 10 il arasında”,-dide.
İlbaşı bügenge köngӓ qadӓr başqarılğan êşlӓrneň uňış buluın oyışmaları arasındağı xezmӓttӓşlekne üsterügӓ bӓyle buluın ӓytep uzdı.
Törkiyӓ ilbaşı: “Saqlanu sӓnӓğӓtendӓ ütkӓnnӓrneň kimçeleklӓren genӓ beterep qalmıybız, kilӓçӓkӓ dӓ ӓzerlӓnӓbez. 5 yıl êçendӓ qullanılışqa tapşırılaçaq 5 zur proyekt belӓn flotnı köçle poziśiyӓgӓ kitererbez dip ışanam”.
