"Êpidemiya törle qıyınlıqlar kitersӓ dӓ biznes dönyası aldında yaňa mömkinleklӓr dä tudırdı"

Törkiyӓ ilbaşı Rӓcӓp Tayyip Ӓrdoğan Kovid - 19 êpidemiyӓseneň törle qıyınlıqlar kitersӓ dӓ biznes dönyası aldında yaňa mömkinleklӓr tudıruın da belderde.

Ul Törkiyӓ yӓş’ êşmӓkӓrlӓr konfederaśiyӓse idarӓ şurası ӓğ’zaların qabul itüdӓ yasağan çığışında 2020 nçe yılnıň êpidemiya arqasında böten dönya belӓn bergӓ Törkiyӓdӓ dӓ awır uzuın ӓytep uzdı, şu uq waqıtta bu dӓwerdӓ köçle sӓlamӓtlek saqlaw asqormasınıň , citeşterüdӓge tikşerenüneň , êksportnıň sӓwdӓdӓ bazar hӓm produkt törlelegeneň möhimlegeneň bik açıq kürülӓren citkerde.  

Ӓrdoğan ӓytüençӓ, törek firmaları Kovid - 19 êpidemiyӓse dӓwerendӓ sıyfatlı êşlӓnmӓlӓre, köndӓşlek bӓyӓlӓre hӓm ışanıçlılığı belӓn ayırılıp tordı.

İlbaşı Ӓrdoğan 2020 nçe yılda qorılğan şirkӓt sanınıň , êpidemiyӓgӓ qaramastan, 20%qa artıp 101 meň 318 gӓ citüen assızıqladı.

Ӓrdoğan investiśiya moxitınıň yaxşırtılaçağın, aldan kürüçӓnlekneň tağın da artaçağın, investorlarnıň ömetlӓreneň yuğarı dӓrӓcӓdӓ qanӓğӓt’lӓnderelӓçӓgen ӓytep uzdı.