Ärdoğan belän Putin Tawlı Qarabax turında söyläşte

Rusiyä däwlät başlığı Vladimir Putin düşämbe könne Mäskäwdä  Tawlı Qarabax mäs’äläsendä Azärbaycan ilbaşı İlham Aliyev häm Ärmänstan xökümäte räise Nikol’ Paşin’yan belän öç’yaqlı cıyılış uzdırğan ide. Ul bu oçraşu xaqında Törkiyä ilbaşı Räcäp Tayyip Ärdoğanğa mäğ’lümat birde. İke lider telefon aşa söyläşte. Anda Törkiyä belän Rusiyä mönäsäbätlären köçäytü öçen yasalaçaq adımnar turında süz bardı. Monnan tış, Tawlı Qarabaxtağı tınıçlıqnı kontrol’ itüçe urtaq üzäk xaqında da fiker alıştılar.

İlbaşı Ärdoğan söyläşüdä Törkiyäneñ region totrıqlılığı häm tınıçlığı öçen açılğan yaña çorda kiräkle öleş häm yärdämne kertäçägen belderde.

Törkiyä liderı Tawlı Qarabaxta azärbaycanlı häm ärmännärneñ, solıx köçe yäisä küzätü missiyälärenä ixtiyac toymıyça, bergä yäşäwen täêmin itäçäk şartlarnı tudırırğa teläwlären citkerde. Ärdoğan, bu tormışqa aşqanda, Törkiyä häm Rusiyä xezmättäşlegeneñ konstruktiv näticälären tağın ber tapqır kürsätäçäklären äytte.