Ärdoğan jurnalistlarnı qotladı

Ul 10nçı ğıynvar - Êşçe jurnalistlar köne uñayınnan yullama yasadı

1560736
Ärdoğan jurnalistlarnı qotladı

İlbaşı Räcäp Tayyip Ärdoğan Törkiyäneñ matbuğat iregennän berqayçan da waz kiçmäyäçägen belderde. Ul 10nçı ğıynvar - Êşçe jurnalistlar köne uñayınnan yullama yasadı.

“Yaña media kanallarınıñ jurnalistikağa täq’dim itkän mömkinleklären professional’ prinśiplarğa häm matbuğat êtikasına zıyan kitermiçä qullanu bik möhim,”-dide Ärdoğan. Ul Törkiyäneñ berqayçan da matbuğat iregennän baş tartmayaçağın häm, şul uq waqıtta, bu tarmaqnıñ qıyırsıtıluına, ilebezdä dä, çit illärdä dä däwlätebezgä qarşı qara propoganda alıp baruda qullanıluına yul quymayaçaqların belderde.

Yullamada şundıy yullar bar: “Cämäğat’çelekneñ xäbär alu xoquqına cawap birü häm döres mäğ’lümat birelü noqtasında media kire qağılmaslıq êlement bularaq alğa çığa. Bu prośessta  demoqratik häm äxlaqıy cawaplılıq belän prinśipial’ räweştä êşläwçe jurnalistlar cämğıyät’ öçen ähämiyätle wazıyfa başqara.

Êlek demokratiyädä özekleklär barlıqqa kilgän däwerdä tärbiyä çarası bularaq qullanılğan Törkiyä massaküläm mäğ’lümat çaralarınıñ demokratik, liberal’ häm polifonik qorılış buluı öçen ähämiyätle alğarışqa ireştek”.

Ärdoğan äytüençä, mäğ’lümatnıñ taralu tizlege baş äyländerüçe räweştä artqan könnärdä döres häm ğadel xäbärçelek härwaqıttağıdan tağın da qaderle. “Yalğan häm dezinformaśiyägä qarşı xaqıyqat’ köräşendä jurnalistlarnıñ da zur cawaplılığı bar,”-di ul.  

“Bu könnärdä awır kizü şartlarında wazıyfaların ütäw öçen  fidakyarlärçä köç quyğan matbuğat xezmätkärlärenä üzemneñ häm millätemneñ isemennän tağın ber qat räxmätemne häm maqtawlarımnı citkeräm. Barlıq qaläm iyälären Êşçe jurnalistlar köne belän qotlıym, wazıyfa başqarğanda wafat bulğan jurnalistlarğa Allahtan yarlıqaw sorıym,”-diyelä Törkiyä ilbaşınıñ qotlawında.



Bäyläneşle xäbärlär