Әрдоган: "АКШтагы Конгрессны басу бөтен кешелекне шаккаттырды" / Ärdoğan: “AQŞtağı Kongressnı basu böten keşelekne şaqqattırdı”

İlaşı Ärdoğan İstanbulda könüzäk mäs’älälärgä qarata açıqlawlar yasadı.

Ärdoğan çığışında Amerika Quşma Ştatları başqalası Waşingtonda 6nçı ğinwar’dä Djo Baydenneñ İlbaşı saylawındağı ciñüe raslanaçaq Kongress utırışı waqıtında İlbaşı Donal’d Tramp yaqlı protestçılarnıñ Kongress binasına kerüe belän kilep çıqqan waqıyğalarğa tuqtalıp uzdı.

Ärdoğan: "Süzgä kilgändä demokratiyanıñ bişege dip äytelgän Amerika Quşma Ştatlarındağı Kongressnı basu çınlap torıp böten keşelekne şaqqattırdı”, - dip äytte.

Törkiyädäge 2013nçe yıldağı Gäzi waqıyğalarında häm 2016nçı yılnıñ 15nçe iyül’ könge tüntäreleş omtılışı waqıtında tawışsız qalğan häm bu mäs’älädä bik üzgä yullamalar yasağan Amerika Quşma Ştatlarına häm AQŞ mediasına reakśiyasın kürsätüçe Ärdoğan: “Ul çaqta da êşneñ başında demokratlar bar ide. Demokratlar nindi bulsa, Cömhüriyätçelärneñ dä şuşındıy uq buluın kürdek. Demokratiya öçen xurlıq buluın küräbez. Telägebez – 20nçe ğinwardä Djo Baydenneñ İlbaşı tapşıru tantanası tınıç uzsın”, - dip belderde.

Monnan soñğı barışta Bayden belän Amerika Quşma Ştatlarınıñ tınıçlanuın ömet itülären assızıqlawçı Ärdoğan: “Yaña tör koronavirus (Kovid-19) kizüe çorın yäşibez. Mondıy kizü çorında ışanam ki sizgerlek belän bu barışnıñ däwam itüe kiräk. Häm xalıqara mönäsäbätlärdä dä tağın da üzgä ber çorğa Amerika Quşma Ştatlarınıñ da kerüe zarur. Ülüçelärneñ ğailälärenä sabırlıq telim, yaralanuçılarğa da şifa telim”, - dip äytte.

Amerika Quşma Ştatları başqalası Waşingtonda 6nçı ğinwardä Djo Baydenneñ saylaw ciñüe raslanaçaq Kongress utırışı waqıtında İlbaşı Donal’d Tramp yaqlı protestçılarnıñ Kongress binasına kerüe belän kilep çıqqan waqıyğalarda berse poliśiya xezmätkäre belän bergä 5 keşeneñ ğomereneñ özelüe açıqlanğan ide.

Waşington poliśiyası waqıyğalarda distälärçä keşeneñ dä qulğa alınuın beldergän ide.