Azärbaycan xalıq ışanıçlısı Paşayıva soñğı yulğa ozatıldı
Azärbaycan Milli Mäcleseneñ mädäniyät komissiyası başlığı deputat Ganirä Paşayıva wafat buldı
Çığanağı belenmägän gipotonik xalät diagnozı belän 24nçe sentyabr’dä başqala Baqıda xastaxanägä salınıp, reanimaśiyädä (реанимациядә) däwalanğan Paşayıva kürsätelgän barlıq mediśina (медицина) çaralarına qaramastan wafat buldı.
Ganirä Paşayıvanıñ mäyıte Baqıdağı däwlät ziratı bulğan 2nçe Fahri Hıyaban alleyasında cirlände.
Cenaza cıyınında Paşayıvanıñ ğailäse häm tuğannarı belän bergä küp sanda xalıq ışanıçlısı, Törkiyäneñ Baqı tulı wäqalätle ilçese Cahit Bağcı belän yözlägän keşe qatnaştı.
Ganirä Paşayıva 1975nçe yılnıñ 24nçe mart könne Azärbaycannıñ Tovuz şähärendä dönyağa kilä.
Azärbaycan tıyp (медицина) universitetınıñ pediatriya bülege belän Baqı däwlät universitetınıñ xalıqara xoquq bülegen tämamlağan Paşayıva 1998nçe yılda televideniye êşçänlegenä başlıy.
2005nçe yılnıñ 6nçı noyabr’ könne ütkärelgän parlament saylawında Tovuz xalıq ışanıçlısı bulıp saylanğan Paşayıva parlamentta törle wazıyfalarda xezmät itä.
Paşayıva soñğı waqıtta Milli Mäclesneñ mädäniyät komissiyasın citäkli ide.
Paşayıva Törkiyädä dä bik küp çarada qatnaştı.
Törki dönya belän bäyle küp sanda xezmäte bulğan Paşayıva "Törkiyäneñ köçle buluınıñ törki dönyanıñ köçle buluı” fikeren yaqlap kilde.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı