Qarabaxtağı antiterror operaśiyäse (операциясе) tuqtatıldı

Azärbaycan saqlanu ministrlığı Qarabaxtağı ärmän törkemnäreneñ qoral taşlawın, Azärbaycan armiyasınıñ terrorçılıqqa qarşı operaśiyäseneñ (операциясенең) tuqtatıluın belderde.

Ministrlıqtan yasalğan belderüdä, Qarabaxnıñ ärmän xalqı wäkilläreneñ Rusiyä tınıçlıq köçe aradaşçılığı belän yasağan möräcäğäte iğ’tibarğa alınıp, cirle üzençälekle antiterror operaśiyäseneñ (операциясенең) tuqtatıluı mäs’äläsendä kileşügä ireşelüe citkerelde.

Belderüdä kileşügä qağılışlı şuşı mäddälär bar:

- Azärbaycannıñ Qarabax töbägendä urnaşqan Ärmänstan qorallı berlekläre häm qanunsız ärmän qorallı törkemnäre qoral taşlıy, xärbi nığıtmaların (сугыш позицияләрен) qaldırıp, tulısınça qoralsızlana. Ärmänstan qorallı berlekläre Azärbaycan cirlärennän çigenä, qanunsız ärmän qorallı törkemnäre tarqatıla.

- Parallel’ bularaq böten qorallar, xärbi kiräk-yaraqlar häm awır texnika täslim itelä, tapşırıla.

- Yuğarıda bilgelängän barışnıñ (процессның) Rusiyä tınıçlıq köçe belän koordinaśiyäle räweştä (координацияләнгән тәртиптә) başqarıluı täêmin itelä.

Azärbaycan İlbaşı idaräsennän yasalğan belderüdä isä atnakiçen (pänceşämbe könne) Yawlax (Яулах) şähärendä Qarabaxtağı ärmän xalqı wäkilläre belän reintegraśiya (реинтеграция) mäs’äläläre söyläşeläçäk cıyılış ütkäreläçäge äytelde.