Qarabaxta antiterror operaśiyäse başlatıldı / Карабахта террорга каршы операция башланды

Ministrlıqtan yasalğan belderüdä Azärbaycannıñ Qarabax töbägendäge ärmän qorallı köçläreneñ soñğı berniçä ayda Azärbaycan armiyasınıñ nığıtmalarına (позицияләренә) sistemalı räweştä (рәвештә) ut açuınıñ, cir mäydannarına minanı salunı däwam (дәвам) itüeneñ kiyırenkelekneñ artuına säbäp buluı citkerelde.

Ärmän köçläreneñ nığıtmaların (позицияләрен) personal, köbäle texnika, artilleriya caylanmaları häm başqa qorallar belän nığıtuınıñ, xärbi köçlären yuğarı däräcädä suğışqa äzer itüeneñ, östämä köçlär buldıruınıñ, Azärbaycan ğaskärenä qarşı küzätü êşçänlegen kiñäytüeneñ, minalardan çistartılğan cir mäydannarına qabat mina urnaştıruı kebek ğamällär başqaruınıñ bilgelänelüe iskärtelep uzıldı.

Belderüdä ärmän köçläreneñ Xocavänd vilayäteneñ Ähmätbäyli-Fuzuli-Şuşa avtoyulına salınğan minalarnıñ şartlawı näticäsendä grajdan keşelärneñ häm poliśiya (полиция) xezmätkärläreneñ häläq buluı xäterlätelde.

Ärmän qorallı köçläreneñ 2020nçe yılnıñ 10nçı noyabrendä qul quyılğan öç yaqlı beldergeneñ nigezlämäläreneñ kiresenä Azärbaycannıñ Qarabax töbägendä bar buluın däwam (дәвам) itterüeneñ regional’ tınıçlıqqa häm totrıqlılıqqa citdi qurqınıç tudıruına basım yasalıp, bolay dip äytelde:

"Öç yaqlı belderge xökemnäreneñ täêmin itelüe, Qarabax iq’tisad töbägendä yasalğan zur külämle provokaśiyälärneñ (провокацияләрнең) totqarlanıluı, ärmän qorallı köçläreneñ qoralsızlandırılıp cirlärebezdän çığarıluı, xärbi asqormalarınıñ täêsirsez xälgä kiterelüe, yawdan (оккупациядән) azat itelgän cirlärgä qaytqan tınıç xalıqnıñ iminlegeneñ täêmin itelüe häm Azärbaycan Cömhüriyäteneñ töp qanun qorılışınıñ (конституцион структурасының) yañadan torğızıluı maqsatınnan çığıp terrorçılıqqa qarşı operaśiya (операция) başlatıldı.

Bu qısada Ärmänstan qorallı köçläreneñ alğı sızıqtağı häm front tiränlegendäge nığıtmaları (позицияләре) belän ozın ut açu urınnarı belän ber rättän xärbi texnika häm xärbi qorılmaları yuğarı tögäl sizgerlekle qorallar qullanılıp täêsirsez xälgä kiterelä. Tınıç xalıq häm asqorma qorılmaları nişan itep alınmıy, barı tik legitim xärbi tämeklär yuq itelä".

Belderüdä: "Kürelgän çaralar turında Rusiyä tınıçlıq köçe komandalığı belän Törkiyä-Rusiyä urtaq küzätü üzäge citäkçelegenä mäğ’lümat birelde”, - dip äytelde.