Amerikan ministrı tatar wazıyfadaşına şaltırattı
AQŞ Saqlanu ministrı Ukraina wazıyfadaşı Röstäm Umerovqa şaltırattı
Amerika Quşma Ştatları saqlanu ministrı Lloyd Ostin, Ukrainada saqlanu ministrı wazıyfasına bilgelängän Röstäm Umerovnı täbrik itep, AQŞnıñ Ukrainağa yärdämen täwäkkällek belän däwam (дәвам) itäçägen belderde.
AQŞ saqlanu ministrlığı (Pentagon) tarafınnan yasalğan yazmaça belderügä kürä, Ostin ministr Umerov belän telefonnan söyläşte.
Söyläşü waqıtında Umerovnı yaña wazıyfası uñayınnan täbrik itüçe Ostin Amerika Quşma Ştatlarınıñ (2022nçe yılnıñ 24nçe fevral’dän birle Rusiyä belän suğışuçı) Ukrainağa yärdämen däwam (дәвам) itteräçägenä basım yasadı.
AQŞnıñ Ukrainağa kürsätkän iminlek yärdämen kiñäşläşüçe taraflar Ukrainanıñ suğış qırındağı aşığıç ixtıyacları mäs’äläsendä dä fiker alıştı.
Ostin häm Umerovnıñ êlemtäläreneñ däwam (дәвам) itäçäge citkerelde.
Ukraina İlbaşı Volodimir Zelenskiy 3nçe sentyabr’dä qırım tatarı Umerovnı saqlanu ministrı bulıp bilgeläw qararın qabul itüen beldergän ide.
Umerovnıñ namzäte (kandidaturası) Ukraina parlamentı (Verxovna Rada) tarafınnan 6nçı sentyabr’dä raslanğan ide.
Bu räweşle 1982nçe yılda tuğan Umerov Ukraina tarixında ministr wazıyfasın üz östenä alğan berençe qırım tatarı buldı.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı
