Tatar: "Yul proyıktı tämamlanaçaq"

Tatar Tön’yaq Kipr Törek Cömhüriyäte tarafınnan Berläşkän Millätlär Oyışması kontrolendäge Yäşel sızıqta urnaşqan Pilä qatnaş awılına başlatılğan yul salu êşläre waqıtında kilep çıqqan kiyırenkelekne bäyäläde.

BMOnıñ Kipr greklarınıñ täêsirendä qalıp kürsätkän totışınıñ bik qızğanıç buluın añlatuçı Tatar:

"Kipr greklarınıñ maqsatı Piläneñ tulısınça grek awılı buluı. Maqsatları Pilädäge töreklärgä tormışnı qıyınlaştırıp alarnı Läfkoşağa küçep kitärgä mäcbür itü. Piläne töreklärdän arındıru”, - dip äytte.

Pilädän Tön’yaq Kipr Törek Cömhüriyätenä kitärgä telägän aşığıç yärdämgä moxtac xastalarnıñ da xätta tamğaxanä qapqasında waqıt yuğaltuın häm şuña kürä “Pilä-Yiğitlär yulı” proyıktınıñ ğamälgä kertelüen iskärtelep uzuçı Tatar: "Bu yulnıñ salınuı, üz watandaşlarıbızğa xezmätne alıp bara alu öçen 25 yıl diplomatik yullardan köräş alıp bardıq. BMO 25 yıl buyı waqıtıbıznı uzdırdı,” - dide.

BMO Tınıçlıq köçe ğaskäriläre belän Tön’yaq Kipr Törek Cömhüriyäte poliśiyası (полициясы) arasında 18nçe avgustta kilep çıqqan waqıyğalarnıñ buluın hiç telämäwlären, fäqät BMO xärbiläreneñ töbäktä Tön’yaq Kipr Törek Cömhüriyäteneñ cire bulğan mäydannı Yäşel sızıqqa kertelgän kebek kürsätergä tırışuın añlatuçı Tatar: "(BMO Tınıçlıq köçe ğaskäriläreneñ) Tön’yaq Kipr Törek Cömhüriyäteneñ cirlären Yäşel sızıqnıñ êçendä kürsätüenä röxsät itä almıybız”, - dip basım yasadı.

Yiğitlärdän Pilägä yul salunı axır çiktä barıber tamamlayaçaqlarına iğ’tibarnı yünältüçe Tön’yaq Kipr Törek Cömhüriyäte İlbaşı problemanıñ diplomatik yullardan xäl itelüen ömet itülären citkerde.

Tön’yaq Kipr Törek Cömhüriyäte Tışqı êşlär ministrı Tahsin Ärtuğruloğlu da “Pilä-Yiğitlär yulı” proyıktı êşçänlegeneñ tuqtatılmayaçağın, yulnıñ motlaq räweştä salınaçağın belderde.

Tön’yaq Kipr Törek Cömhüriyäteneñ “Bayraq” däwlät teleradiokompaniyasına belderü yasawçı Ärtuğruloğlu Pilä yulı mäs’äläsendä Tön’yaq Kipr Törek Cömhüriyäte belän Berläşkän Millätlär Oyışması arasında söyläşülärneñ alıp barıluın, irtänge säğätlärdä BMOnıñ Kiprdağı maxsus wäkile Kolin Stewart belän söyläşüen citkerde.

Ärtuğruloğlu qayber media organnarında çıqqan “Pilä-Yiğitlär yulı” proyıktı êşçänlegeneñ tuqtatıluı turındağı xäbärlärneñ çınbarlıqqa turı kilmäwenä basım yasap: "“Pilä-Yiğitlär yulı” proyıktı êşçänlegeneñ tuqtatıluı mömkin tügel. Bu yul motlaq räweştä salınaçaq”, - dip äytte.