Bötendönya Kökbörü (sorı büre) uyınnarı Qırğızstanda başlandı
Qırğızstannıñ Isıq-kül (Эссе-күл) töbägendäge yal itü üzäge Çolpon-Ata şähär ippodromında ber atna buyı däwam (дәвам) itäçäk 1nçe Bötendönya Kökbörü (sorı büre) kuboğı uyınnarı açılış tantanası belän başlandı
1nçe Bötendönya Kökbörü (sorı büre) kuboğı uyınnarında qabul itüçe il Qırğızstan belän bergä Qazaqstan, Rusiyä, Üzbäkstan, Äfğanstan häm Amerika Quşma Ştatlarınnan taqımnar qatnaşa.
Uyınnarnıñ açılış tantanası aldınnan Çolpon Ata şähärendä 14 Milli Kökbörü Federaśiyäse (Федерациясе) wäkilläreneñ qatnaşuında uzdırılğan kongressta Xalıqara Kökbörü Berlege tözelde. Yaña berlekneñ başlığı isä Qırğızstannıñ Baş prokurorı Kurmankul Zuluşev buldı.
İlbaşı Sadır Caparov 1nçe Bötendönya Kökbörü (sorı büre) kuboğı uyınnarınıñ açılış tantanasında yasağan çığışında: "Kökbörü bezneñ milli uyınıbız. Kökbörü uyının yäşätäşäkbez häm dönyağa tanıtaçaqbız”, - dip äytte.
Milli kökbörü taqımnarı (komandaları) çarada Duslıq häm Dön’ya kuboğı öçen köç sınaşaçaq.
Yarım final uyınnarı 17nçe-18nçe avgustta, final uyınnarı da 20nçe avgustta ütkäreläçäk.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı
