Qazaqstandağı Süriyä cıyılışınıñ beldergese

Qazaqstan başqalasında 20nçese oyıştırılğan Süriyä temalı Astana söyläşüläreneñ urtaq yomğaq beldergese açıqlandı.

Türkiyä, Rusiyä häm İran Süriyäneñ tön’yaq-könçığışındağı (PKK/YPG) legal’ bulmağan üzidarä omtılışların häm terror oyışmaların yaqlawçı illärneñ ğamällären gäyıpläde.

Astana cıyılışında Türkiyä-Süriyä mönäsäbätläreneñ cayğa salınuı öçen ütkärelgän kiñäşmälärdä yul kartasınıñ äzerlänüenä qağılışlı alğa kiteş tä bäxäsläşelde.

Tışqı êşlär ministrlığınnan yasalğan belderüdä: "(Astanada) Taraflar süriyälelärneñ qurqınıçsız, irekle häm däräcäle qaytularınıñ täêmin itelüe öçen Süriyä êçendä kiräkle şartlarnıñ buldırıluınıñ zarurlığın iskärtep uzdı,” – dip äytelde.

Şul arada Rusiyä İlbaşınıñ Süriyä maxsus wäkile Aleksandr Lavrentiyıv Astana formatınıñ Süriyä krizisın xäl itü öçen êşlärgä däwam itäçägen, barı tik söyläşülär öçen yaña urın êzläyäçäklären belderde.

Lavrentiyıv Süriyä temalı Astana söyläşüläreneñ töp utırışınnan soñ oyıştırılğan matbuğat oçraşuında açıqlawlar yasadı.

Qazaqstannıñ Süriyä temalı Astana söyläşüläre belän bäyle qararın kötelmägän bularaq bäyäläwçe Lavrentiyıv Astana formatınıñ Süriyä krizisın çişü öçen êşlärgä däwam itäçägen, barı tik monnan soñğı söyläşülär öçen yaña urın êzläyäçäklären äytte.

Qazaqstan tışqı êşlär ministrı urınbasarı Qanat Tumış kön däwamında garant illär Türkiyä, Rusiyä häm İranğa Süriyä temalı 20nçe Astana söyläşüläreneñ Astana barışındağı soñğı tur bularaq räsmi räweştä iğ’lan itelüen täq’dim itkän ide.

Tumış, 2017nçe yılnıñ ğıynwar ayında başlanğan Astana söyläşüläreneñ 20 turınnan 18eneñ Qazaqstan başqalasında ütkärelüen belderep: "Qazaqstandağı söyläşülär Süriyädä kiyırenkelekne azaytu töbäkläreneñ tözelüen, bäreleşkän taraflar arasında qan qoyıluınıñ tuqtatıluın häm monıñ näticäsendä bik küp keşeneñ ğomeren yuğaltuın totqarladı. Bu räweşle iñ baştağı töp maqsatlarına ireşte,” – dip äytkän ide.