Qar yawu däreslärne tuqtatqan
Bügen Astanada däreslär onlayn rejimda uzğan
Qazaqstan başqalası Astanada yal könnärendä başlanğan häm bügen dä däwam itkän köçle qar yawu tormış şartlarına tiskäre yoğıntı yasağan.
Meñnän artıq maşina häm 2 meñnän artıq keşe şähärne qardan çistartırğa tırışa.
Köçle qar yawu arqasında Astanada transport xäräkäte äkrenäygän, distanśion belem birü başlanğan.
Astana poliśiya bülege xäbär itkänçä, soñğı täwlektä yullarda 144 yul-transport hälakäte bulğan, 2 keşe cäräxätlängän.
Başqalada qar yawu irtägä qadär däwam itär dip kötelä.
Hawa temperaturası 19 nçı aprel’dän kinät artaçaq.
Naçar hawa torışı arqsında ilneñ 15 avtomobil’ yulı xäräkät öçen yabılğan.
Başlanğıç, urta mäktäp, liśeylar häm universitetlarnıñ 1,2 kurslarında uquçılar öçen däreslär tuqtatılğan.
Astanadağı Nursoltan Nazarbayev xalıqara aêroportında qayber reyslarda kiçegülär bulğan.
Bäyläneşle xäbärlär
Törkiyä ministrı Üzbäkstanda
Ğailä häm sośial’ xezmätlär ministrı Üzbäkstan ğailä häm xatın-qızlar komitetı başlığı belän oçraştı