”Azärbaycan -Türkiyä urtaq universitetın buldıru zur ähämiyätkä iyä”
İlham Aliyev bu xaqta Türkiyä mäğarif ministrı Mäxmüt Özär belän ütkärgän videokonferenśiyädä citkerde
Azäbaycan ilbaşı İlham Aliyev räsmi säfär belän Baqığa kilgän Türkiyä mäğarif ministrı Mäxmüt Özär belän videokonferenśiya ütkärde.
Aliyev Türkiyä häm Azärbaycannıñ mäğarif ölkäsendäge xezmättäşlektä zur uñışlarğa ireşülären belderep,”Azärbaycan -Türkiyä urtaq universitetın buldıru zur ähämiyätkä iyä” dide.
Türkiyä häm Azärbaycannıñ iñ awır waqıtlarda iñgä iñ torıp “ber millät” bulu üzençälegen böten dön’yağa küp tapqırlar kürsätülärenä basım yasawçı Türkiyä mäğarif ministrı Mäxmüt Özär wazıyfadaşı Ämin Amrullayev belän mönäsäbätlärne tağın da yuğarıraq däräcägä citkerü öçen küp köç quyuların äytte.
” Türkiyä mäğarif sistemasında tormışqa aşırğan üzgäreşlär häm täcribälärebezne sezneñ belän urtaqlaşudan bez şat bulırbız. Azärbaycannıñ mäğarif täcribälären kürü bezgä zur fayda kiteräçäk”,- dide Türkiyä ministrı.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı
