“Kipr törek xalqı üz kiläçägen mäcbür itüçän nigezlärgä häm çişeleş modellärenä tapşırmayaçaq”

Tön'yaq Kipr Törek Cömhüriyäte İlbaşı idaräsennän yasalğan yazmaça belderüdä: "BMO İminlek şurası, qabul itkän qararnıñ söyläşülär nigezenä tuqtalıp uzılğan öleşendä urındağı (mäydandağı) wazğıyätne qabat kürmämeşkä salınıp, status-kvonıñ saqlanıp qaluına qağılışlı anlatmalar yasağan häm BMO İminlek şurası bu problemanıñ çın mäğnäsendä çişeleşe belän qızıqsınmawın tağın ber qat kürsätte,” – dip äytelde.

İke tarafnıñ yaña häm räsmi söyläşülär barışına başlawı öçen kiräkle urtaq nigezneñ bulmawı citkerelgän belderüdä: "Kipr törek xalqı kiläçägen birelgän xoquqlarğa qarşı kilüçe mäcbür itüçän nigezlärgä häm çişeleş modellärenä tapşırmayaçaq. Kiprda çişeleş belän qızıqsınuın belderüçe xalıqara dairälärgä, status-kvonı saqlawğa yünälgän süzlärennän tıyılıp, ike taraf kileşäçäk nigezne xuplarğa kiñäş itäbez,” – dip bilgeläp uzıldı.

BMO İminlek şurasınıñ yabıq Maraş belän bäyle süzläreneñ xalıqara cämäğätçelekneñ üzgärügä yünälgän saysız säyäsäteneñ çağılışı buluına basım yasalğan belderüdä: "Xalıqara cämäğätçelekneñ taraflı totışınıñ häm Kipr grek kileşmäwçänlegeneñ" Maraşnıñ 2020nçe yılğa qadär yabıq totıluınnan cawaplı buluına işarät itelde.

Belderüdä: "Säyäsi barışqa qağılışlı poziśiyäbezdä bulğanı kebek Kipr törek xalqı kiläçägen üze bilgeläyäçäk häm ilebezneñ teläsä qaysı ber öleşe dä Kipr grek iradäsenä tapşırılmayaçaq. Qararda Kipr törek xalqınıñ distä yıllar buyı duçar itelgän keşeleksez izolyaśiyanıñ telgä alınmawnı moña säbäp buluçılarnıñ, çınbarlıqnı yäşerep, kimçeleklärne yäşerergä tırışuı bularaq bäyälibez,” – dip äytelde.

BMO Tınıçlıq köçeneñ Tön'yaq Kipr Törek Cömhüriyätendäge êşçänlegen qanuni nigezgä saluınıñ şart buluına basım yasalğan belderüdä: "Tön'yaq Kipr Törek Cömhüriyäte çikläre êçendä yaxşı niyätebez belän êşçänlegen alıp bara alğan BMOnıñ bu totışı bez kürsätkän tolerantlıqnı naçar niyätle itep qullanu bularaq bäyälänä. İlbaşıbıznıñ kötkäne: şuşı mäs’älädä tiz arada ike yaqlı bularaq qabul itelä alınğan kileşügä ireşü,” – dip iskärtelep uzıldı.