Üzbäkstanda ministrlıq häm däwlät oyışmaları qısqartıla

Üzbäkstan İlbaşı Şäwkät Mirziyayıv qul quyğan däwlät citäkçelegendä struktur reformalar turındağı qararnamä belän 2023nçe yılnıñ 1nçe ğıynwarennän soñ xökümätkä bäyle ministrlıq häm däwlät oyışmalarınıñ 61dän 28gä kimetelüe qararına kilende.

Monıñ nigezendä 25 bulğan ministrlıq sanı 21gä azaytılaçaq, qayber däwlät oyışmaları berläştereläçäk, 20 däwlät oyışması isä betereläçäk.

Qararnamägä kürä, yaña yılnıñ berençe könennän başlap professional’ idarä nigezlärenä tayanğan häm näticälelegenä yünältelgän ministrlıq häm däwlät oyışmalarınnan torğan sistema buldırıla. Ministrlıq häm däwlät oyışmalarında citäkçelär belän bergä idari personal sanı 30%qa qısqartıla.

Xäzerge 8 baş ministr urınbasarı häm 3 baş ministr kiñäşçesennän barı tik 4 baş ministr urınbasarı ğına qalaçaq. Ministrlar Şurasınıñ başqarma idaräsendäge 269 personal yartığa qısqartılıp, 120 personalğa iyä Ministrlar Kabinetı sekretariatı buldırıla.