Nurmöxämmät Xisamov wafat
Tatar xalqınıñ kürenekle şäxese ozaq awırudan soñ küzlären mäñgelekkä yomdı
Tatar xalqı zur yuğaltu kiçerä. Ozaqqa suzılğan awırudan soñ ädäbiyät ğalime, şağıyr’, publiśist häm cämäğat’ êşleklese Nurmöxämmät Xisamov 85 yäşendä baqıylıqqa küçte.
Ul 1937nçe yılnıñ 24nçe martında Tatarstannıñ Çüpräle rayonı Munçäli awılında umartaçı ğailäsendä tua. 1955nçe-60nçı yıllarda Qazan däwlät universitetınıñ tarix-filologiyä fakul’tetında yuğarı belem ala.
Nurmöxämmät Şahwäli ulı Xisamov Tatarstannıñ atqazanğan fän êşleklese, Xalıqara törki akademiyäneñ xaqıyqıy äğ’zası. Ul 1984nçe yıldan birle Tatarstan yazuçılar berlegendä tora. Ğalim ädäbi tänqıyt’ ölkäsendä dä êşli. Anıñ Ğabdulla Tuqay, Därdemänd häm başqa qaläm iyäläre icatına bağışlanğan mäqaläläre bar. Tikşerenüçe fän ähele bularaq Nurmöxämmät ağa Qol Ğali icatın öyränügä zur öleş kertä.
Bäyläneşle xäbärlär
Törkiyä ministrı Üzbäkstanda
Ğailä häm sośial’ xezmätlär ministrı Üzbäkstan ğailä häm xatın-qızlar komitetı başlığı belän oçraştı
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı