Äliyıv: “BMO İminlek şurasında reforma ütkärelergä tiyış”

Azärbaycan İlbaşı İlham Äliyıv Berläşkän Millätlär Oyışması İminlek şurasında reforma ütkärelüen yaqlawların äytte

1850746
Äliyıv: “BMO İminlek şurasında reforma ütkärelergä tiyış”

İlham Äliyıv başqala Baqıda oyıştırılğan Quşılmawçılar xäräkäte parlamentariy çeltäre konferenśiyäseneñ açılışında yasağan çığışında BMO İminlek şurası qararlarınıñ qayber oçraqlarda qısqa waqıtta ğamälgä kerüen, qayber oçraqlarda isä yıllar buyı käğäz östendä qaluın belderep: "Bez reformalarnı xuplıybız. BMO İminlek şurası qararlarınıñ säyäsi östenlek nigezendä başqarıluı tuqtatılırğa tiyış”, - dip äytte.

Çığışında Azärbaycan cirläreneñ berwaqıt Ärmänstan okkupaśiyäsendä buluı, töbäktä yäşängän cimerülär turında äytüçe Äliyıv Azärbaycannıñ, üz cirlären azat itep, ğadälätne häm xalıqara xoquqnı yañadan täêmin itüen belderde.

Äliyıv, problemanıñ xäl itelüe öçen tözelgän Awrupa iminlek häm xezmättäşlek oyışmasınıñ Minsk törkemeneñ hiçber çişeleş taba almawın xäterlätep: "Minsk törkeme – problemanıñ mäñge qaluın teläwçelärneñ qoralı buldı. Bügen Azärbaycan cir bötenlegen üze täêmin itkäne öçen monnan arı Minsk törkemenä ixtıyac qalmadı”, - dip äytte.

Ärmänstan belän Azärbaycan arasındağı tartqalaşunıñ barı tik regional’ tügel, global’ mäs’älä buluına basım yasawçı İlham Äliyıv:

Çönki bu barı tik xalıqara xoquqnıñ töp nigezlären tulısınça bozu ğına tügel, ber ük waqıtta BMO İminlek şurası qararlarınıñ da awır räweştä bozıluı häm iğ’tibarğa alınmawı ide. 1993nçe yılda Berläşkän Millätlär Oyışması İminlek şurası tarafınnan 4 qarar qabul itelde. Bu qararlarda Ärmänstannıñ basıp alğan cirlärdän şartsız räweştä çığuı sorala ide. Fäqät bu qararlar ütälmäde. Qayber oçraqlarda BMO İminlek şurası qararları berniçä kön êçendä ğamälgä kergän bulsa, Azärbaycanğa kilgän oçraqta bu qararlar kägäz östendä qalğan ide. Bu wazğıyät BMO İminlek şurasında reformalarnıñ ütkärelüe mäs’äläsen kön tärtibenä kiterä. BMO İminlek şurası qararları ütälmägän oçraqta bolarnı qabul itüneñ nindi mäğ’näse bar. Bez reformalarnı yaqlıybız. BMO İminlek şurası qararlarınıñ säyäsi östenlek nigezendä ütälüe tuqtatılırğa tiyış”, - dip iskärtep uzdı Azärbaycan Däwlät başlığı.



Bäyläneşle xäbärlär