Äliyıv häm Lavrov Baqıda oçraştı
Azärbaycan İlbaşı İlham Äliyıv Ärmänstan belän 2020nçe yılnıñ noyabrendä qul quyılğan beldergeneñ ütälüe öçen adımnarnıñ yasaluın kötülären belderep: "Tınıçlıq kileşüe täq’dimebez cawapsız qaldı, bez äle dä bu täq’dim qabul iteler, dip ışanabız”, - dide
Äliyıv başqala Baqığa kitkän Rusiyä tışqı êşlär ministrı Sergey Lavrovnı qabul itte.
Söyläşü waqıtında bıyıl yıl başında Azärbaycan belän Rusiyä arasında imzalanğan Berlektäş üzara bäyläneş beldergesen xäterlätüçe Äliyıv: "Min mönäsäbätlärebezneñ üseşe öçen bu töp dokumentnıñ ozaq möddätle, bik näticäle xezmättäşlekneñ iskitkeç näticäse buluına ışanam”, - dip belderde.
Azärbaycan belän Ärmänstan arasındağı mönäsäbätlärneñ cayğa salınuı barışında ileneñ poziśiyasınıñ belenüenä iğ’tibarnı yünältüçe Äliyıv:
"Bu poziśiya töbäktä ozaq waqıtlı tınıçlıqnı urnaştırunı maqsat itä. Tırışularıbıznıñ Ärmänstan tarafınnan uñay qarşılanaçağına häm küp yaqlı tartqalaşunıñ betäçägenä ışanam. Tınıçlıq kileşüe täq’dimebez cawapsız qaldı, bez äle dä bu täq’dim qabul iteler, dip ışanabız”, - dide.
Rusiyä, Azärbaycan häm Ärmänstan Baş ministr urınbasarları räislegendäge öç yaqlı êş törkeme êşçänlegeneñ aktivlaşuın uñay bäyäläwçe Äliyıv: "Rusiyä Federaśiyäseneñ Qavqazda daimi tınıçlıq urnaştıruda aktiv tırışlıq kürsätäçägen ömet itäbez”, - dip äytte.
Rusiyä tışqı êşlär ministrı Lavrov ike il arasında imzalanğan Berlektäş üzara bäyläneş beldergeseneñ häm başqa kileşülärneñ praktik däräcädä tormışqa aşırıluına qağılışlı ike Däwlät başlığının boyırıqların ütäwdä täwäkkäl buluların bilgeläp uzdı.
Bäyläneşle xäbärlär
Qazaqstandağı su basularda küpme keşe ülde?
Qazaqstandağı su basularda 5 keşe ülde, yuğalğan 2 keşene êzläw êşläre däwam itä
