Törkiyä Qırğızstanğa xärbi-texnik cihazlar cibärde

Törek qorallı köçläre xärbi-finans xezmättäşlege kileşüe qısalarında Qırğızstan ğaskärenä “Otokar” markalı avtobuslar häm almaş detal’läre, robokopnı saqlaw caylanmaları, ülemgä kitermi torğan qorallar häm suğış kiräk-yaraqları, qorıç jiletlar, telekommunikaśiya häm êlektro-optik materiallar belän yärdäm kürsätte.

Törkiyä êçke êşlär ministrlığı da transport çaraları, cihazlar häm almaş detal’lär yärdäm törkemendäge “Land Rover” maşinaları, almaş motorlar, qışqı botinkalar häm ryukzaklarnı büläk itte.

Törkiyäneñ Bişkäk tulı wäqalätle ilçese Äxmät Sadık Doğan häm Qırğızstan saqlanu ministrınıñ berençe urınbasarı polkovnik Taalaybäk Usubaliyıv qatnaşuında Milli gvardiya komandılığında tapşıru tantanası oyıştırıldı.

Usubaliyıv yasağan çığışında xärbi häm texnik cihazlar yärdäme öçen Törkiyä ilçesenä räxmätlären citkerep: "Bu yärdäm däwlätlärebez häm qorallı köçlärebez arasındağı yuğarı däräcädäge xezmättäşlekneñ tudıran-turı dälile”, - dip belderde.

Qırğızstan belän Törkiyäneñ tarixi häm mädäni bağlanışlar belän ber-bersenä bäyle dus illär buluın şatlanıp äytüçe Usubaliyıv: "Bu yärdäm näticäsendä Äfğanstandağı xäzerge qurqınıçlıqlar belän bäyle bulğannar belän ber rättän xärbi iminlekneñ täêmin itelüendä iñ aşığıç problemalarnı xäl itä alabız”, - dip äytte.

Törkiyä ilçese Doğan da, Qırğızstan qorallı köçlärenä tapşırılğan materiallarnıñ xäyerle buluın teläp, Törek qorallı köçläreneñ här yıl xärbi cihazlar häm materiallar belän yärdäm itüen häm ike il êçke êşlär ministrlıqları arasında da täcribä urtaqlaşu häm uqıtu êşçänlegeneñ alıp barıluın belderde.