Rauf Dänktaş iskä alındı

İskä alu cıyınında Tön’yaq Kipr Törek Cömhüriyäte İlbaşı Ärsin Tatar, ministrlar, xalıq ışanıçlıları, Tön’yaq Kipr Törek Cömhüriyäteneñ ikençe Däwlät başlığı Mäxmät Ali Talat, Törkiyäneñ Lefkoşa ilçese Ali Murat Başçäri, xärbi zatlar, Rauf Dänktaşnıñ ulı Särdar Dänktaş häm ğailäse, watandaşlar belän oyışma wäkilläre qatnaştı.

Tatar biredä yasağan çığışında Dänktaşqa tağın ber märtäbä Allahnıñ yarlıqawın soradı häm ğomeren köräşkä bağışlağan Dänktaşnıñ 1960nçı yıldağı kileşülärdän êlek “EOKA” terror oyışmasına qarşı batırlarça köräş alıp baruın äytte.

Dänktaşnıñ 1960nçı yıldağı kileşülärdä Kiprdağı ike xalıqnıñ suveren bularaq terkälüendä häm Törkiyäneñ garant il bularaq urın aluında xoquqçı tanıqlığı belän zur role buluın xäterlätüçe Tatar Dänktaşnıñ  ülem tüşägendä: "Bäysezlektän, irektän, xörriyättän häm möstäqıyllektän hiç waz kiçmägez, Törkiyägä häm töp watanıbızğa nıq itep totınırğa onıtmağız”, - dip wasiyät itüen, üzläreneñ dä şuşı wasiyätne ütäwlären belderde.

Tön’yaq Kipr Törek Cömhüriyäteneñ 1983nçe yılda tözelüe belän Kiprda ike ayırım xalıqnıñ buluın, bu ike ayırım xalıqnıñ suveren buluın häm Dänktaşnıñ möstäqıyllek nigezendä federaśiya modelendä kileşüneñ bula almayaçağın ul çaqlarda küzallawın iskärtep uzuçı Tatar Dänktaşnıñ böten söyläşülärdä Kipr törek xalqınıñ möstäqıyllege öçen öndäwenä basım yasadı.

Särdar Dänktaş isä, Kipr törek xalqınıñ bik awır yuldan baruın belderep, xalıqnıñ härtörle awırlıqnı xäl itep, azatlıq öçen köräş alıp baruın äytte.