“Azärbaycannıñ Tön’yaq Kiprnı tanuı möhim adım bulır”

Tön’yaq Kipr Törek Cömhüriyäte Baş ministrı Faiz Sucuoğlu Azärbaycannıñ Tön’yaq Kiprnı tanığan oçraqta monıñ möhim adım bulaçağın äytte

1762269
“Azärbaycannıñ Tön’yaq Kiprnı tanuı möhim adım bulır”

Tön’yaq Kipr Törek Cömhüriyätendä xökümät tözelgännän soñ çärşämbe könne başqala Änkarağa yasağan berençe räsmi säfäre qısalarında İlbaşı Räcäp Tayyip Ärdoğan tarafınnan qabul itelgän Faiz Sucuoğlu könüzäk mäs’älälärne bäyäläde.

Tön’yaq Kipr Törek Cömhüriyäte belän Törkiyäneñ “ike däwlät, ber millät” buluına basım yasawçı Sucuoğlu: "Bu gel şuşılay. Azärbaycannı da kertsäk, “öç däwlät, ber millät”. İnşallah, aldıbızdağı barışta Azärbaycan qardäşlärebez belän häm säyäsät, häm dä iq’tisad ölkäsendä êlemtälärebez artır. Bezneñ kötkänebez – bigräk tä qardäş bularaq, ber ük tamırdan kilgän, ber ük telne söyläşkän, ber ük dinne urtaqlaşqan Azärbaycannıñ da Tön’yaq Kipr Törek Cömhüriyäten tanuı. Bu möhim adım bulır”, - dip äytte.

Baş ministr Sucuoğlu: “Monnan arı (Kiprda) federaśiya yuq. Monnan soñ ike suveren, tigez däwlät statusı turında süz bara. Bu mäs’älädä xörmätle İlbaşıbız Ärsin Tatarnıñ turı poziśiyası, İlbaşı Räcäp Tayyip Ärdoğannıñ iskitkeç yärdäme bar”, - dip äytte.



Bäyläneşle xäbärlär