Qazaqstanda yaña xökümät räise

Qazaqstannıñ yaña xökümäte räise Alixan Smailov buldı.

İlbaşı Qasıym Cömärt Tokayev Qazaqstan parlamentınıñ ğomum utırışında xökümät citäkçese wazıyfasına anı täq’dim itte. Smailov kandidaturasın  barlıq säyäsi partiyä deputatları uñayladı. Şulay itep, ul ilneñ 12nçe xökümät räise buldı.  

50 yäş’lek Smailov monnan aldağı kabinetta berençe viśe-prem’yer ide. 5nçe ğıynvarda Askar Mamin citäkçelegendäge xökümät, ildäge rizasızlıq çaraları säbäple, tarqalğannan soñ ul waqıtlıça baş ministr wazıyfasın başqardı.  

Alixan Smailov xökümät räise bularaq yasağan berençe çığışında mondıy awır çorda üzenä ışanıç beldergän ilbaşı Tokayevqa häm deputatlarğa räxmät äytte. Ul maqsatınıñ, berençe çiratta, makroiq’tisadi totrıqlılıqnı täêmin itü häm inflyaśiyäne töşerü buluın belderde. “Watandaşlarnıñ barlıq qanunlı taläpläre iğ’tibarğa alınaçaq häm tormışqa aşırılaçaq,”-dide Qazaqstannıñ yaña xökümät räise.