Qazaqstanda milli matäm

Milli matäm könendä İlbaşı sarayı Aqorda belän bergä böten däwlät oyışmalarında häm ilneñ çit illärdäge wäkilçeleklärdä bayraqlar yartılay töşerelde.

İldäge televideniye belän radiolarda küñel açu tapşıruları êfir programmasınnan çığarıldı. Däwlät oyışmaları belän xäbär agentlıqlarınıñ internet säxifäläreneñ albitläre dä qara häm aq töstä äzerlände.

Milli matäm mönäsäbäte belän Törkiyäneñ Nur Soltan ilçelege dä, qazaq xalqı belän teläktäşlegen belderep, ilçelek bayraqların yartılay töşerde häm sośial’ media akkauntlarında "Bez qardäş Qazaqstannıñ yanında” süzlären urnaştırdı.

Törki däwlätlär oyışması sekretariatında da äğ’za häm küzätüçe däwlätlärneñ bayraqları yartılay töşerelde.

Oyışmadan yasalğan belderüdä: "Qardäş Qazaqstan xalqı häm citäkçelege belän härwaqıt teläktäşlek êçendä bulğan Törki däwlätlär oyışması waqıyğalarda häläq buluçılar öçen Allahtan yarlıqaw, yaralanuçılarğa aşığıç şifalar häm ilneñ tiz arada ğadäti xälgä qaytuın teli”, - dip äytelde.