Kärim Masimov qulğa alınğan

Qazaqstan milli qurqınıçsızlıq komitetınıň êlekkege räise Kärim Masimov däwlätkä xıyanät şige belän qulğa alınğan.

Bu xaqta Qazaqstan milli qurqınıçsızlıq komitetı belderüendä citkerelä.

Anda äytelgänçä, 6 nçı ğıynwarda Qazaqstan Cömhüriyäte cinayät’ kodeksınıň däwlätkä xıyanät stat’yası nigezendä tikşerü başlanğan bulğan.

 Masimovnıň älege cinayät’ne qıluda şiklänep qulğa alınuı äytelä.

 Kärim Masimov tikşerüdä qulğa alınğan bütän keşelär belän waqıtlıça izolyatorğa urnaştırılğan.

2016 nçı yılda bilgelängän Kärim Masimov milli qurqınıçsızlıq komitetı räise wazıyfasınnan 6 nçı ğıynwarda Qazaqstan ilbaşı Kasım Cömärt Tokayev qararı belän sıyığaytılğan tabiği gazğa bäyälär artu säbäple başlanğan protestlar arqasında alınğan ide.

Êçke êşlär ministrlığı xäbär itkänçä, ildä 2 nçe ğıynwarda yağulıq bäyäse kütärelgännän soň başlanıp kitkän waqıyğalarda 4 meň 266 keşe, şul isäptän başqa il watandaşları da, qulğa alınğan.