Nur-Soltanda ğadättän tış xäl

Qazaqstan başqalası Nur-Soltanda protest çaraları säbäple ğadättän tış xäl iğ’lan itelde. Bu xaqtağı qararğa ilbaşı Kasım Cömärt Tokayev qul quydı. Ul 19nçı ğıynvarğa qadär däwam itäçäk.

Xalıqnıñ iminlegen täêmin itü maqsatınnan kertelgän ğadättän tış xäl waqıtında şähärdä kiçke säğat’ 23.00tän irtänge 7.00gä qadär uramğa çığu tıyıla.

Cämäğat’çelek tärtiben, däwlät häm strategik binalarnı saqlaw çaraları arttırılaçaq. Şähärgä kerü häm çığu çiklänäçäk.

Qazaqstan ilbaşı Tokayev irtänge säğat’lärdä Askar Mamin citäkçelegendäge xökümätneñ wazıyfadan kitüen rasladı.

İldä sıyıqlaştırılğan gaz yağulığınıñ bäyäse artuğa rizasızlıq belän başlanğan protest çaraları säbäple Almata şähäre häm Mangistaw töbägendä ğadättän tış xäl iğ’lan itelde.