Рөстәм Миңнexaнoв: “Бeзнeң кaрaшыбыз игътибaргa aлынмaды” / Röstäm Miñnexanov: “Bezneñ qaraşıbız iğtibarğa alınmadı”
Тaтaрстaн Дәүләт бaшлыгы Миңнexaнoв үзeнә “Прeзидeнт” сыйфaтының бирeлүeн гaмәлдән чыгaргaн кaнунгa рeaкция күрсәттe / Tatarstan Däwlät başlığı Röstäm Miñnexanov üzenä “Prezident” sıyfatınıñ birelüen ğamäldän çığarğan qanunğa reakśiya kürsätte
Rusiyä Federaśiyäsenä bäyle Tatarstan Cömhüriyäteneñ Däwlät başlığı Röstäm Miñnexanov üzenä “Prezident” sıyfatınıñ birelüen ğamäldän çığarğan qanunğa reakśiya kürsätte.
Miñnexanov Tatarstan başqalası Qazanda oyıştırğan matbuğat oçraşuında şuşı qanundağı iñ yuğarı däräcäle töbäk citäkçeseneñ sıyfatınıñ qullanıluı bäyle maddälären bäyäläde.
Tatarstan Cömhüriyäte Däwlät Şurasınıñ (Tatarstan parlamentınıñ) bu qanunğa qarşı çığuına iğ’tibarnı yünältüçe Miñnexanov: "Qanun inde qabul itelde. Bez qanunnarnı ütäwçe keşelär. Läkin qaraşıbız iğ’tibarğa alınmadı”, - dip äytte.
Rusiyä Federaśiyäse Şurasınıñ Töp qanun komitetı başlığı Andrey Klişasnıñ ölgene äzerläwçelärneñ berse buluın belderüçe Miñnexanov: "Ägär Klişas parlamentıbızğa kilep bezneñ belän küreşkän, qanunnı añlatqan bulsa ide, bezneñ poziśiya başqa törle bulırğa mömkin ide”, - dip iskärtep uzdı.
Miñnexanov bu qanunnıñ Rusiyä İlbaşına “töbäk başlığın ışanıç yuğaluı arqasında wazıyfadan alu wäqaläten” birüenä iğ’tibarnı yünältte.
Rusiyä parlamentınıñ tübän palatası Däwlät Dumasında qayber xalıq ışanıçlıları sentyabr’ ayında Rusiyä Federaśiyäsen täşkil itüçe töbäklärneñ iñ yuğarı däräcäle citäkçeseneñ sıyfatınıñ qullanıluına qağılışlı federal’ külämdä qanun ölgesen äzerlägän ide.
Ölge Tatarstan Cömhüriyäte Däwlät Şurasına cibärelgän ide. Tatarstan Parlamentı da 25nçe üktäbr’dä ütkärelgän utırışta 100 xalıq ışanıçlısınnan 82seneñ tawışı belän şuşı qanunnı kire qaqqan ide.
Moña qaramastan zakon proyektı Däwlät Dumasında 14nçe dekabr’dä qabul itelgän ide. Federaśiya Şurasında da 15nçe dekabr’dä raslanğan qanunğa 21nçe dekabr’ könne Rusiyä İlbaşı Vladimir Putin qul quyğan ide.
Qanunğa kürä, Federaśiyäne täşkil itüçe töbäklärneñ iñ yuğarı däräcäle citäkçese "region başlığı" dip atalaçaq. Qanundağı töbäk başlığınıñ sıyfatı häm wäqalätläre belän bäyle öleşe 2022nçe yılnıñ iyün’ ayında ğamälgä keräçäk.
