Aliyev belän Paşin'yan oçraşaçaq

Alarnı bu adımğa Awrupa Berlege künderde

1736238
Aliyev belän Paşin'yan oçraşaçaq

Awrupa Berlege şurası Azärbaycan ilbaşı İlham Aliyev häm Ärmänstan xökümäte räise Nikol’ Paşin’yannıñ dekabr’ ayında Bel’giyäneñ başqalası Brüssel’dä oçraşaçağın belderde.  İke lider telefon aşa söyläşkän inde. Anda süz regiondağı xäl häm 15nçe dekabr’dä bulaçaq Könçığış xezmättäşlege sammitına äzerlek turında bara.

 Awrupa Berlege şurası räise Çarl’z Mişel’, sammit qısalarında, Aliyev häm Paşin’yanğa Brüssel’dä oçraşu täq’dime yasağan. Alar ikese dä regionda kiyerenkelekne beterü yulların qaraw öçen küreşergä rizalaşa.

Aliyev belän Paşin’yan turıdan êlemtä sızığı buldıru turında da kileşä. Ul waqıyğalarğa çik quyu mexanizmı bularaq ike yaqnıñ saqlanu ministrları arasında qorılaçaq.



Bäyläneşle xäbärlär