Üzbäkstanda ilbaşın saylıylar
5 namzät arasında moña qadärge ilbaşı Şäwkät Mirziyoyev ta bar
Üzbäkstanda xalıq kiläse 5 yılda idarä itäçäk yaña ilbaşın saylıy. İldä 21 million 266 meñ tawış birüçe bar.
Üzbäkstannıñ täwge ilbaşı İslam Kärimov 27 yıl buyı däwlät idaräsendä tordı. Ul 2016nçı yılnıñ sentyabrendä wafat bulğannan soñ şul uq yılnıñ dekabrendä irtä saylawlar uzdırıldı.
Bu saylaw şunnan soñğı täwge tulı qanlı ilbaşı saylawları diyärgä mömkin.
5 namzät arasında moña qadärge ilbaşı Şäwkät Mirziyoyev ta bar.
Qanunnar nigezendä, tawış birüçelär 33%tan artsa, saylaw uzğan sanala. Namzätlärneñ berseneñ ciñüe öçen tawışlarnıñ yartısınnan kübrägen aluı kiräk. Yuqsa, iñ küp tawış cıyğan ike kandidat ikençe turda yarışaçaq.
Bäyläneşle xäbärlär
Qazaqstandağı su basularda küpme keşe ülde?
Qazaqstandağı su basularda 5 keşe ülde, yuğalğan 2 keşene êzläw êşläre däwam itä
