Törkiyä - Azärbaycan urtaq media platformasınıň täwge cıyılışı

Törkiyä ilbaşı idaräseneň êlemtä bülege räislegendä  “Nigezle ütkänebez, köçle kiläçäk” teması astında uzuçı Törki şura media forumı qısalarında Törkiyä - Azärbaycan urtaq media platformasınıň täwge cıyılışı İstanbulda ütkärelde.

Törkiyä ilbaşı idaräseneň êlemtä bülege başlığı Fäxrettin Altun häm Azärbaycan ilbaşı urınbasarı Xikmät Xaciyev citäkçelegendä uzğan cıyılışta ike ilneň media häm êlemtä oyışmaları wäqalätlelärennän torğan delegaśiyälär qatnaştı.

Cıyılışta “İke däwlät, ber millät häm urtaq media” devizı qısalarında ike il dustanä mönäsäbätlären êlemtä ölkäsendä dä üsterü maqsatın küzdä totıp tradiśion media, śifrlı media, strategik êlemtä häm däwlät diplomatiyäse ölkälärendä xezmättäşlekne häm koordinaśiyäne köçäytü, dezinformaśiyägä qarşı urtaq köräş mäs’äläläre turında söyläştelär.

Oçraşuda şulay uq Törkiyä - Azärbaycan urtaq media platformasınıň strukturasına qağılışlı sorawlar qaraldı häm “Däwlät diplomatiyäse”, “Xalıqara media” ,”Strategik êlemtä”, “Mäğarif”, “Zakonnar häm köyläw”, Śifrlaştıru häm internaśionalizaśiya” komitetları buldıru qararına kilende.