Qazaqstan belän Törkiyä arasındağı säwdä küläme 15 märtäbä arttı

Qazaqstan belän Törkiyä arasındağı säwdä külämeneñ 30 yılda 15 märtäbä artuı belderelde

1704933
Qazaqstan belän Törkiyä arasındağı säwdä küläme 15 märtäbä arttı

Qazaqstan säwdä häm integraśiya ministrı Bakıt Soltanov Törkiyä belän Qazaqstannıñ säwdä ölkäsendäge mönäsäbätlärne bäyäläde.

Soltanov, kiläse yılda ike il arasındağı diplomatik mönäsäbätlärneñ 30 yıllığın qotlayaçaqların iskä töşerep, ike il arasındağı säwdä êlemtäläreneñ uñay üseş aluı belän alğa baruın äytte.

Säwdä külämeneñ 1990nçı yıllar başında 200 million dollar tiräsendä buluına iğ’tibarnı yünältüçe Soltanov: “İke ilneñ säwdä küläme 30 yılda 15 märtäbä arttı. Xäzerge waqıtta Törkiyä ilebezneñ iñ zur 10 säwdä urtağınnan berse”, - dip belderde.

Soltanov bıyıl ğinwar-iyün aylarında säwdä külämeneñ uzğan yılnıñ şul uq çorına qarağanda 5,3%qa artıp 1 milliard 788 million dollarğa citüen äytte.

Soltanov urtaq maqsatnıñ säwdä külämen qısqa waqıtta 5 milliard, ozaq möddättä 10 milliard dollarğa citkerü buluın iskärtep uzdı.



Bäyläneşle xäbärlär