Putin häm Aliyev Mäskäwdä oçraştı

Azärbaycan İlbaşı İlham Aliyev belän Rusiyä Däwlät başlığı Vladimir Putin Rusiyä başqalası Mäskäwdä oçraştı

1678084
Putin häm Aliyev Mäskäwdä oçraştı

İke lider oçraşunıñ matbuğatqa açıq öleşendä açıqlawlar yasadı.

Putin ike yaqlı iq’tisadi êlemtälärneñ yaña tör koronavirus (Kovid-19) kizüennän soñ cayğa salına başlawın belderde.

Putin, bu ölkä belän bäyle bularaq iñ qısqa waqıtta Rusiyä wäkillegeneñ Azärbaycanğa kitäçägen citkerep, ike ilneñ “Kovid-19” belän köräş mäs’äläsendä xezmättäşlek urnaştıruın äytte.

Regional’ problemalarğa da tuqtalıp uzuçı Putin Aliyevneñ töbäktäge wazğiyätneñ xäl itelüenä bik zur ähämiyät birüen, moña zur iğ’tibar kürsätüen telgä alıp: "Kileşü yaqlı çişeleşlärneñ tabıluı öçen sezgä räxmätläremne belderäm. Bolar härwaqıt iñ awır bulğannar. Läkin mäs’äläneñ xäl itelüen telibez ikan, şuşı yuldan baruıbız kiräk. Xäzergä çaqlı monı başqara aldıq”, - dip äytte.

Azärbaycan İlbaşı Aliyev ta, ike il arasındağı iq’tisadi mönäsäbätlärneñ yılnıñ berençe yartısında yaxşıruın belderep, monıñ bik möhim buluın äytte.

Rusiyä belän transport ölkäsendä dä mönäsäbätlärneñ üsüenä basım yasawçı Aliyev Tön’yaq-Kön’yaq transport koridorı aşa yöklärneñ cibärelüenä iğ’tibarnı yünältte.

27nçe sentyabr’ belän 10nçı noyabr aralığındağı Tawlı Qarabax suğışınnan soñğı töbäktäge wazğiyätkä tuqtalıp uzuçı Aliyev bu mäs’älädä Putin belän daimi êlemtädä toruların, monıñ töbäkneñ totrıqlılıqqa qawıştırıluında möhim rol’ uynawın äytte.

Aliyev: "Bäreleştän soñğı çornıñ mömkin bulğan xätle awırtusız uzuı mäs’äläsendä täwäkkäl bez. Urtaq kereşülärebez belän monı başqara alaçağıbıznı uylıym”, - dip äytte.



Bäyläneşle xäbärlär