Nadir Däwlät wafat buldı
Tatar xalqınıñ kürenekle ulı 76 yäşendä arabızdan kitte
1631181
Törkiyädä yäşäwçe kürenekle millättäşebez, ğalim, yazuçı, ictimağıy êşlekle Nadir Däwlät wafat buldı. Ul bügen qatı awırudan soñ mäñgelekkä küzlären yomdı. Redakśiyäbezgä qayğılı xäbärne xatını Beril xanım citkerde.
Nadir Däwlät ozaq yıllar buyı dön’yadağı iñ abruylı universitetlarda belem birgän professor, törki dön’yanıñ tarixı häm xalıqara mönäsäbätläre belgeçe. Anı Tatarstanda da olı ğalim häm zur şäxes bularaq belälär.
Nadir Däwlät törek, tatar häm rus tellärendä 20dän artıq kitap yazdı. Ul tatar xalqınıñ yazmışı öçen borçılıp, anıñ tarixın yaqtırtuçı olpat ğalim.
Nadir Däwlätkä 15nçe iyül’dä 77 yäş’ tulası ide.
