Qazaqstan üz vakŝinasın yasataçaq

Ministrlar Kabinetınnan yasalğan açıqlawğa kürä ilneñ kön’yağındağı Jambıl vilayätendä urnaşqan Qazaq Biologik Tikşerenü İnstitutında cirle vakŝina QazVaknıñ berençe 50 meñ dozası citeşterelde.

Qazaq belgeçläre tarafınnan Kovid-19ğa qarşı yasalğan häm barlıq klinik tikşerenülärdä ışanıçlılığın isbatlağan cirle vakŝina 26 aprel’dän başlap watandaşlarğa qadala başlanaçaq.

Cirle vakŝinanıñ berençe dozasın töbäklärgä taratu barışın küzätep baruçı prem’yer-ministr yärdämçese Yeralı Tugjanov: “Qazaqstan koronaviruska qarşı üz vakŝinasın citeştergän dön’yanıñ berençe 5 ile arasında urın aldı,” – dide.