Aliyev Volkan Bozkır belän küreşte
Azärbaycan İlbaşı İlham Aliyev BMO 75nçe Ğomum şura başlığı Volkan Bozkırnı qabul itte
Azärbaycan İlbaşı idaräsennän yasalğan belderügä kürä, başqala Baqıda uzdırılğan söyläşü waqıtında çığış yasawçı Aliyev dönyadağı yaña tör koronavirus (Kovid-19) vakśinalarınıñ taratıluındağı ğadelsezlekkä iğ’tibarnı yünältte.
Tawlı Qarabaxta yäşängännärgä dä tuqtalıp uzuçı Aliyev yaw waqıtında Azärbaycanğa qarağan tarixi, dini häm mädäni yadqärleklärneñ ärmännär tarafınnan tar-mar itelüen xäterlätte.
Aliyev xalıqara oyışmalarnıñ, bigräk tä BMOnıñ mäğarif, belem häm mädäniyät oyışması YUNESKOnıñ töbäkkä kitüen häm cimerelgännärne kürüen teläwlären belderde.
Volkan Bozkır da BMO Ğomum şura başlığı bularaq Azärbaycanğa säfär yasawdan ğorurlıq toyuın äytte.
Azärbaycannıñ kizü belän köräş öçen BMO däräcäsendä yasağan kereşüläre, Bäyläneşsezlär xäräkäteneñ çirattağı räislege waqıtında uñışı turında maqtaw süzlären äytüçe Bozkır Aliyevneñ telgä alğan böten mäs’älälärne iğ’tibar belän küzätep baruların belderde.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı