Üzbäkstan-Törkiyä urtaq xärbi künegüläre başlandı

Üzbäkstan saqlanu ministrlığınnan yasalğan belderügä kürä, Tirmiz şähärendäge xärbi poligonda ütkärelüçe Üzbäkstan-Törkiyä urtaq xärbi künegüläre öçen açılış tantanası oyıştırıldı.

Tantanada çığış yasawçı törek häm üzbäk xärbi räsmi zatları, urtaq künegülärneñ iñ yaxşı räweştä uzaçağın assızıqlap, qatnaşuçılarğa uñışlar teläde.

Urtaq xärbi künegülär qısalarında ike il xärbiläre 15 çaqrımlıq maxsus taktika koridorınnan uzu, maxsus atu, yaqınnan torıp suğışu häm awır şartlarda isän qalu kebek sınawlardan uzaçaq.

Qatnaşuçılarğa ayıruça maxsus taktika öyrätelüe belän ber rättän urtaq sport yarışları oyıştırılaçaq.

Räsmi säfär qısalarında bügen Üzbäkstanğa baruçı Ğomum ştab başlığı armiya generalı Yaşar Gülär 25nçe martta urtaq künegülärne qarayaçaq.

Urtaq künegülär 27nçe martta tögällänäçäk.

Künegülär ike il arasındağı xärbi xezmättäşlek planı qısalarında ütkärelä.