Tatarstannıñ Milli kitapxanäse tulı köçenä êşli başlıy
Moña qadär anda kitaplarnı qabul itü häm urnaştıru êşläre bardı
Tatarstannıñ Milli kitapxanäse 20nçe marttan tulı köçenä êşli başlıy. Bu xaqta “Tatar-inform” mäğ’lümat agentlığı xäbär itä. Moña qadär anda kitaplarnı qabul itü häm urnaştıru êşläre bardı.
Bilgele bulğança, Tatarstannıñ Milli kitapxanäse yaña zamança binağa küçte. Anı 30nçı avgustta ilbaşı Röstäm Miñnexanov qatnaşındağı tantana belän räsmi räweştä açtılar.
“20nçe martta kitaplar birelä başlıy. İrtänge säğat’ 9dan kiçke 9ğa qadär êşlibez, “-di kitapxanä mödire urınbasarı Täbris Yarullin.
Xäbärdä äytelgänçä, Milli kitapxanä moña qadär dä çaralar uzdırğan. 1nçe sentyabr’dän başlap bügengä qadär binada êkskursiyälär oyıştırıla, MOÑ teatr mäydançığında spektakl’lär kürsätelä.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı