Yaña qazax alfavitı täq’dim itelde
Ul 2023-2031nçe yıl çorında êtaplap qullanılışqa keräçäk
Qazaqstan milli älifba komissiyäse latin xäreflärenä yaraqlaştırılğan yaña qazax alfavitın täq’dim itte. Ul 2023-2031nçe yıl çorında êtaplap qullanılışqa keräçäk.
Äxmät Baytursunov isemendäge Lingvistika institutı tözegän alfavit “ber awaz-ber xäref” prinśibına nigezlängän.
Latin xäreflärenä yaraqlaştırılğan yaña qazax alfavitında 31 töp xäref bar. Anda urın almağan x häm w şikelle xäreflär isä çit teldän kergän süzlärdä qullanılaçaq.
Qazaqstan xökümäte räise Askar Mamin: “Alfavitnıñ kamilläşterelgän versiyäse qazax teleneñ kiñ cäyelüenä etärgeç biräçäk häm anı zamançalaştıruğa yärdäm itäçäk,”-dide.
Qazaqstan 1940nçı yıldan birle kirilliśa qullana. İl 2017nçe yılda êtaplap Latin älifbasına küçü qararı çığardı.
Bäyläneşle xäbärlär
Tatarca söylämne rusçağa tärcemä itüçe täwge quşımta
Tatarstan fännär aklademiyäse “Tatsoft” quşımtasın täq’dim itte
26nçı aprel' - Tuqayıbız tuğan kön
Bu könne Tatarstan xalqı häm, ğomumän, böten tatar dön’yası Tuğan tel könen bäyräm itä