“Törkiyä axırğaça Azärbaycannıñ yanında”
Törkiyä parlamentı başlığı Şäntop Baqınıñ azat itelüeneñ yıllığında yullama yasadı
Törkiyä Böyek Millät Mäclese başlığı Mustafa Şäntop Azärbaycan başqalası Baqınıñ ärmän häm bolşevik yawınnan azat itelüeneñ 102 yıllığı mönäsäbäte belän “Twitter” aşa urtaqlaşqan yazmasında: "Nuri Paşa citäkçelegendäge Qavqaz İslam ğaskäre 1918nçe yılnıñ 15nçe sentyabr’ könne Baqını ärmän häm bolşevik yawınnan azat itte. Törkiyä-Azärbaycan qardäşlegeneñ bilgese bulğan bu waqıyğanıñ 102 yıllığı mönäsäbäte belän Nuri Paşa belän bergä ğaziz şähitlärebezne räxmät belän iskä alam”, - dip äytte.
Şäntop ayıruça: "102 yıl êlek Nuri Paşa citäkçelegendäge Qavqaz İslam ğaskäre Azärbaycannı ärmän qorallı törkemnäreneñ yawınnan qotqardı. Bügen dä Törkiyä şuşındıy uq rux belän axırğaça Azärbaycannıñ yanında”, - dip belderde.
Bäyläneşle xäbärlär
Cäwdät Yılmaz Azärbaycannıñ bäysezlek könen täbrik itte
Azärbaycanda 1918nçe yılnıñ 28nçe may könne iğ’lan itelgän bäysezlegeneñ 106 yıllığı qotlana
