Änkarada Ömmegölsem Qamalova turında kitap täq’dim itelä
Balkan suğışı waqıtında Törek ğaskärenä yärdämgä kilgän tatar qızı Gölsemneň romanı Törkiyä başqalasında täq’dir itelä.
8nçe mart Xalıqara xatın-qızlar könendä başqala Änkaradağı “ATO Congresium” üzägendä oyıştırılğan Änkara kitap yärminkäsendä törekçägä tärcemä itelgän tatar kitabı tanıtıla.
Ömmegölsem Qamalovanıň ğibrätle yazmışına bağışlap Roza Tufitullova yazğan “Yazmış cile” äsären törekçägä Gülşah Yılmaz tärcemä itte. Kereş süzne tanılğan tatar ädibe, xalıq ışanıçlısı Rkail Zäydulla yazğan kitap Awraziya Yazuçılar Berlegeneň “Bängü” kitap näşriyätendä basılğan.
Awraziya yazuçılar berlege başlığı Yakup Ömäroğlu mäğ’lümatlärenä kürä, “Gölsem” kitabı 8nçe mart könne 14nçe Änkara kitap yärminkäsendä tanıtıla. Anda kitapsöyüçelärgä tärcemäçe Gülşah Yılmaznıň qultamğası belän älege äsärne satıp alu mömkinlege birelä.
Bäyläneşle xäbärlär
Törkiyä ministrı Üzbäkstanda
Ğailä häm sośial’ xezmätlär ministrı Üzbäkstan ğailä häm xatın-qızlar komitetı başlığı belän oçraştı
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
