İstanbulda Ğalimcan İbrahimov iskä alına

Tanılğan tatar yazuçısı Ğalimcan İbrahimov tuuına 130 yıl tulu mönäsäbäte belän İstanbulda fänni cıyında iskä alına.

Fänni cıyınnı İstanbul şähär xakimiyäte mädäniyät departamentınıñ mädäni çaralar mödirlegeneñ yärdäme belän “Törek uçaqları” cämğiyäteneñ İstanbul filialı häm TÜRKSOY xalıqara törki mädäniyät oyışması oyıştırdı.

Tatar xalqınıñ bäysezlege öçen köräş alıp barğan häm yäşägän çordağı tınğısız häm çayqaluçan täräqqiyätlärgä qaramastan tel, ädäbiyat, sänğät häm tarix ölkäsendä şaqtıy äsärne icat itkän Ğalimcan İbrahimov tormışı, alıp barğan köräşe häm ädäbi yağı belän añlatılaçaq.

28nçe mart sişämbe könne İstanbul şähär xakimiyäteneñ Ali Ämiri Äfändi mädäniyät üzägendä säğät kiçke sigezençe yartıda başlanaçaq çarada Ğalimcan İbrahimovnıñ tatar yazu teleneñ zamançalaştırıluı ölkäsendä êşçänlek başqaruına, tatar ädäbiyatı häm fol’klor belemenä nigez saluına da basım yasalaçaq.

Cäzmi Bayram alıp baraçaq cıyında dośent doktor İsmäğil Türkoğlu, dośent doktor Bülent Bayram, dośent doktor Alsu Kamalieva häm Fatih Cihangir Täkin çığış yasayaçaq.